Бүгін Кинорежиссер А. Шәжімбаев атындағы №3 Явленка орта мектебінің аға тәлімгері А.О. Қабдолова жоғары сынып оқушыларын мемлекетіміздің "Eljastary" жобасы аясында жастар саясатымен таныстырды. Ондағы мақсат оқушыларға құқықтық тәрбие беру.

Құрметті ата-аналар, оқушылар, ұстаздар! Сіздердің назарларыңызға республикалық психологиялық көмек көрсететін «Сенім телефон» номерін ұсынып отырмыз. «Сенім телефоны» сіздерге тегін және анонимді түрде қызмет көрсетеді. Егер қандай да бір қиын жағдайға тап болсаңыз, ойыңыздағы шеше алмай жүрген сұрақтарыңыз болса, осы «Сенім телефоны» арқылы көмек алуларыңызға болады. Әлеуметтік-психологиялық қызметі

Ақпанның 16 күні мектебімізде аға тәлімгер Қабдолова А.О мен мектеп психологы Исмагулова Г.С ұйымдастыруымен "Бақытым да, байлығым да денсаулығым" тақырыбында жайдарман ойыны өтті. Бас жүлдеге "Интерндер" 10 б командасы ие болды

24-қаңтар бастауыш сынып мұғалімі Пшанова Тәттігүл Есентаевна "Бастауыш сынып оқушыларының оқу жылдамдығын арттыратын әдіс-тәсілдер " тақырыбында шеберлік сынып өткізді . Шеберлік сынып барысында оқушылар әдіс-тәсілдерді қолдана отырып,нәтижелі жұмыстың өтіп жатқанын дәлелдеді.

Бүгін мектебімізде "Бастауышым - бастамам, білім жолын бастаған" атты бастауыш сыныптар апталығы өз жұмысын бастады. Ашылу салтанатында директордың бастауыш сыныптар бойынша орынбасары Темірболатова Н.Б. құттықтау сөз айтып, бастауыш сынып мұғалімдерінің әдістемелік бірлестік жетекшісі Кабдушева Ә. А. апталық жоспарымен таныстырып өтті, 1-сынып оқушылары ән, билерімен өнерлерін ортаға салды.

Қаңтардың 20-ы күні "Жиренше" дебат клубының жетекшісі Кабдолова А.О мектепішілік пікірталас өткізді Орыс тілі мен әдебиеті, ағылшын тілі апталығы аясында кинорежиссер А.Шәжімбаев атындағы №3 Явленка орта мектебінде 20 қаңтарда орыс тілі пәнінің мұғаілімі Рахметова Ж.А. 5-6 сынып оқушыларымен ителлектуалдық викторина өткізді.

19 қаңтар  мектеп директорының тәрбие жұмысы жөніндегі орынбасары Е.Б. Мустафин мен әлеуметтік педагог Т. К. Какенованың ұйымдастырумен 11 «а», «б» сыныптарында «Алкоголь бұл құрдымға қадам» атты сынып сағаттары өтті. Ондағы мақсат  оқушыларды салауатты өмір салтына  тәрбиелеу.

2022 жылдың 4 қарашасы Петропавл қаласында өткен "Зерде" зерттеу жобалары мен шығармашылық жұмыстар сайысына қатысқан 3а сынып оқушылары Бұқан Әділ мен Нұрмұқан Фархад жүлделі ІІІ орынға ие болып, мектебіміздің мерейін арттырды. Оқушыларымыз бен жетекшісі Пшанова Тәттігүл Есентайқызына алдағы уақытта жеңістеріңіз көп болсын деп тілейміз! 💐💐💐

Бастауыш сынып оқушылары арасында өткен "Сүйем сені, менің Қазақстаным " шығармашылық жұмыстар облыстық сайысының аудандық кезеңі біздің оқушылар үшін өте нәтижелі болды. Мәнерлеп оқудан Ержан Алина І орын, Эргошбай Аягөз І орын, Төлепберген Азамат ІІІ орын иеленді. Құттықтаймыз!